وبدأ العد التنازلى

anime girls, انمي, صور, صور انمي, صور انمي كيوت, صور انمي روعه, صور انيمي, صور بنات انمي , صور انمي , صور الأنمي , صور أنيمي , صور بنات الانمي , صور بنات أنمي , صور بنات الأنمي , صور بنوتات الانمي , صور الانمى , صور أنمي رومانسية , صور أنمى , صور فتيات الانمي , اجمل صور الانمي , صور أنمي مت�ركة , موقع صور الانمي , صور أنمي أولاد , صور الانمي الكرتونية , صور لبنات الانمي , صور بنوتات أنمي , صور أنمي للبنات , صور بنات إنمي , باب صور الانمي , صور بنات انمى , مكتبة صور الانمي , صور بنوتات الأنمي , صور أنمي روعة , صور اولاد الانمي , صور بنات أنيمي , صور بنات انمي 2008

النهاردة واحد ابريل هتقولوا ايه يعنى ما ايام ربنا واحدة فعلا كلها ما كنتش بتفرق معايا كتير بس النهاردة 1 وبكرة 2 وبعده3 وبعده 4 و................... وبعده 12 ( 12 ) ياااه على الرقم ده لا تتخيلوا بيسببلى اد ايه فزع وهلع قلبى بيقع فى رجليا كل ما اسمع الرقم ده ....... انا هغير رقم الشؤم من 13 هخليه 12 قولى ليه ؟ سألتنى لييييييييه ؟ أقولك.... يا سيدى يوم 12 ده اليوم اللى هودع فيه أحلى حد فى حياتى وفى الدنيا دى كلها , اليوم ده هقول لكل ضحكة وكل بسمة خدى أجازة . ... اليوم ده هتبدأ رحلة معاناتى ورحلة قلقى ورحلة تفكيرى اللى كنت مدياله اجازة ... من اليوم ده هتبدأ رحلتى مع النتيجة والارقام والحسابات والاعداد اللى عمرى ما اتعاملت معاها .... اليوم ده حبيبى هيدخل الجيش .... موقف لا أحسد عليه ... بجد ربنا ما يكتبه على حد..... احساس غبى .... زى احساس الراجل المريض وعارف نفسه هيموت بعد اسبوعين ... بيبقى عايز فى الاسبوعين دول يعمل كل حاجة نفسه فيها .... وبرغم ألمه ويأسه وخوفه الا ان بيبقى طول الامل مسيطر عليه واحيانا يحس انه فى كابوس وهيعدى مش مصدق انه خلاص هيموت ويسيب كل اللى بيحبهم وبيحبوه .....

احساس غبى لما تبقى عارف ان الحاجة الحلوة فى حياتك واللى مصبراك على كل شئ وحش فى الدنيا واللى مديالك اجمل احساس بالامان حتى لو مكنتش الحاجة دى معاك فى نفس المكان بس مجرد احساسك انها بتتنفس الهوا اللى انت بتتنفسه .. لمجرد انك عارف هى فين دلوقتى ومطمن عليها لمجرد انك كل ما بتوحشك بترفع سماعة التليفون تكلمها لمجرد انك عارف انها وقت ما هتحتاجك هتكلمك .................. بيخليك حاسس انها معاك فى نفس المكان لما تتخيل بس ان الحد ده خلاص ايام وهيسيبك ومش بايده لا وكمان ايه ده مش مثلا مسافر فى مكان ويومين ولا اسبوع ولا شهر وراجع لا دى سنة ومش 12 شهر اكثر كمان

ولا مثلا رايح يتفسح ولامثلا رايح مكان هيعرف يكلمك وتكلمه لا ده رايح الجيش وما ادراك من الجيش ... طيب يا ترى هياكل ده اصلا مبياكلش غير فى بيتهم هياكل اكل الجيش ....... طيب يا ترى هيبقى معاه اصدقاء كويسين طيب لما هيتعب وهذا كثيرا ما يحدث مين هيحس بيه طيب هيقول لمين تعبان ومين هيراعيه ؟ طيب لما تحصل مشكلة بينه وبين اى حد هيحكى لمين ؟.............................؟؟؟؟؟؟

اسئلة كتيييييييييييييير واجابات ضايعة

ده اصلا لو تجاهلنا احتياجى انا ليه

لكن اعمل ايه ما باليد حيلة

وقدر الله ماشاء فعل