حبايب : يا زوجات رفقاً بالحموات

يا زوجات رفقاً بالحموات

السبت, 17 مايو, 2008

حماتى قنبلة ذرية

مفقوعة مرارتى من حماتى

حماتى أزمة حياتى

يا أنا يا حماتى

حماتى كابوس حياتى

حماتى

كتير بنسمع الكلام ده وحكاوى بقى كتييييييييير عن الحماوات وكنت بحس دايما ان الحماوات دول وحوش كاسرة ولا أدرى إذا كان هو خطأ زوجات أم هى طبيعة حماوات

ولكنى لم أتخيل يوماً أن يكون لى حماة

ولم أحب هذه الكلمة يوما

ورغم أننى مازلت بنوتة ولم أدخل هذا القفص السعيد

ولم أمر بتجربة الحماوات

وبرغم أيضاً أننى لا أحب التملق

وبرغم أننى لم أجرب ولم أستطع ان أنادى أمرأة غير أمى مهما كان حبى لها بكلمة أمى

ولا أعرف إن كان سيأتى اليوم الذى سأنادى به أحدا غير والدتى بكلمة أمى أم لا

ولكنى أقتنع تماما أن الموضوع ليس ألفاظاً

وأقتنع أكثر أن التملق والنفاق لا ينجب إلا تملقا ونفاقا

أحيانا كنت أتعامل مع نساء كنت أشعر حقا أنهن أمهات رائعات وكنت أتمنى لو أقترب منهن أكثر وأن يكونوا فى وضع الأم بالنسبة لى لدرجة أننى كنت أقول فى نفسى لو كنت متزوجة ابن هذه المرأة لعشقته لأجلها ورغم ذلك أجد أنهن غير سعيدات مع زوجات أبنائهن فيزيد تعجبى وتثار دهشتى

إذا فالمشكلة ليست فى الحماوات المشكلة تقبع خلف أذهان الزوجات

نعم

العيب فى الزوجات

الزوجات هن من يجب ان يوضعوا خلف قفص الإتهام

فنجد أن الفتاة قبل الزواج تتفنن فى تملق حماتها وكسب رضاها بل وتنافقها وتغدق عليها بالهدايا كل ذلك لكى تكسب رضا إبنها اللى هو خطيبها

وبمجرد أن تتزوج وتتملك فإنها تنسى حماتها بل وأنها ربما تغار من حماتها وتتصور أنها نداً لها بل وإن بعض الزوجات تسئ فعلا معاملة حماتها بدافع( تدبحلها القطة) ( يعنى اوريها العين الحمرا ) قبل ماهى توريهانى

وطبعا دى نوعيات ونوعيات

وليست كل الزوجات

وليست كل الحماوات أيضا ملائكة

ولكن لماذا كل هذا لماذا تتوقعين السؤ قبل الخير ولماذا لا تضعين نفسك مكان هذه الأم التى إقتحمتى أنتى حياتها ونزعتى منها إبنها على الجاهز

لماذا لا تعامليها بما تحبى ان تعاملك به زوجات ابنائك يوما ما

لماذا لا تعامليها منذ اللحظة الأولى على أنها أمك الثانية

ولا أطلب منك أن تأخذيها بديلاً عن أمك فأمك لها حق عليكِ أيضاً

إن وضعتها فى مكانة أمك لن تغضبى منها أبداً ولن تجدى منها سوى الدعاء لك والرضا عنك

ربما انتقدت اليوم طعامك

ربما انتقدت أسلوب حياتك

ربما إنتقدت طريقة ملابسك

عادى

زى مامتك (وفيها ايه لما مامتك تنتقدك )

أشعريها أنك تتعلمى منها قولى لها ( طب أعمل ايه كى أحسن من ذلك )

لا تنسى الهدايا

تهادوا تحابوا

حتى وان كانت هدية بسيطة فقط أشعريها أنها على بالك دائماً وليست فى المناسبات فقط وليست فى فترة الخطوبة فقط

ضعى أمامك حقيقة "داين تدان"

فكما تحبى ان تعاملى يوما عامليها

واعلمى جيدا بأن رضاها كرضا امك فضعى نيتك لله وادعى لها وقربى بينها وبين ابنها ولا تنتظرى منها شئ سوى الرضا عنك

ولكن كونى أنتِ نعم فلا تحاولى أن تظهرى أمامها بما لستِ عليه أنتِ لأنها ستشعر بذلك كونى واثقة فى نفسك واعلمى ان كل شخص به عيوب وليس عيبا ان نصلح من انفسنا ولكن العيب أن نتظاهر بالمثالية لانه لا يوجد احد مثالى وهى تعلم ذلك ومهما فعلتى فلن تصلى للمثالية

اطمئنى عليها دائما وزوريها واطلبى منها ان تقضى عندك اوقاتا تستمتعى فيها بالجو العائلى الجميل

واشعريها دائماً بأهميتها فى حياتك وانها عرفت كيف تربى وانكِ لو كنتى سعيدة مع ابنها فالفضل لها لأنها من أحسنت تربيته

صارحيها بحبك لها وأنها مثل أمك ولكن دون نفاق او مبالغة

المرأة الصالحة لا ترد على الكبير مهما أساء اليها فاياكى أن تضعى فى ذهنك أن المعاملة بالمثل فلا تردى عليها الا بأحسن منها فحاولى أن تمتصى غضبها وإلا فاصمتى

ولا تشكيها لإبنها لأنكى لن تستفادى شيئاً سوى اثارة المشكلات وهى سوف تقدر لكى ذلك وستعترف بأدبك فى وقت السلم

علمى أولادك احترام جدتهم واحضار الهدايا لها فى المناسبات وان يزوروها وعندما تأتى اليكم لا يقوموا بازعاجها ويرحبوا بها وتذكرى ان الجو العائلى والبيت الهادئ فى مصلحة ابنائك

ان كانت حماتك مريضة ياااااااااااه ( والله يبقى ربنا بيحبك ) واكسبى ثواب وكونى دائما فى رعايتها كل ذلك فى ميزان حسناتك غير انه سيدخر لكى يوم مرضك

اتقى الله فى أم زوجك

فان كانت طيبة ستقدرك وتحبك وتكون لكِ أماً ولن تقابل معاملتك الطيبة الا بالحب

وإن كانت سيئة فعامليها بالحسنى أيضا واحتسبى أجرك من الله بل ربما غيرتها بمعاملتك " فالصبر مفتاح الفرج"

ياريت كل واحد يقول هو بيعامل أو هيعامل حماته إزاى وايه تصوره عن الحماوات

(22) تعليقات

أضف تعليقا

اضيف في 17 مايو, 2008 04:54 م , من قبل hs10121962

ان غاب الإحترام و تدنى المستوى لا يمكن الحصول على نتائج ايجابية.

اضيف في 17 مايو, 2008 05:06 م , من قبل zaetawi
من المملكة العربية السعودية

بسم الله الرحمن الرحيم

السلام عليكم ورحمة الله وبركاته000

الله عليك يا بنتي يا اسراء
لو موجود مثلك في كل عيلة 5 خمسة في وجه العدوين ( على رأي الاخوة المصريين)
وعلمو الباقين هذا الكلام كان انتهت كل المشاكل بين الحموات وزوجات الابناء

الحمد لله انا امي ومراتي حبايب

وانا وحماتي اصحاب

انشاء الله ربنا يبعثلك ابن الحلال وتكون حماتك طيبة وتحبك مثل ما حماتي بتحبني

وتقبلي تحياتي

ع==ابوجاسم==

اضيف في 17 مايو, 2008 05:08 م , من قبل zaetawi
من المملكة العربية السعودية

اضيف في 17 مايو, 2008 05:13 م , من قبل sham4me

مممممممممممممممم

يعني حبّابة ... هلأ الحكي كله مفهوم ...

بس وحياتك وحياتك ... إذا الحماية متل فريال بباب الحارة ...

ههههههههههههههههههههههه

هههههههههههههههههه

ههههههههههه

لح تفوت يعلى الجنّة فوراً لو تحمّلتي ابنها ...

سمعي لقلك لح نتفق اتفاق صغير ...

فوتي على مدونتي وبحبشي على شي اسمو

صفات أهل الشام وصبايا أهل الشام بالتصنيفات يلي على جنب ...

لح تلاقي تفصيلات مشكّلة عن الردح يلي ممكن يكون بين الحماية والكنّه

هههههههههههههه

بس وينك لح تنبسطي وتتسلّي صدقيني ...

والله أنا بنوتة مرضية كمان .. يعني ممكن اسمع الكلمة ...

ههههههههههههههههه بس ما بضمنلك والله ...

لأني مشاغبة ...هههههههههههه

صديقتك عطول نوّارة الجيران ...

نور

وحبايب عطول

اضيف في 17 مايو, 2008 05:18 م , من قبل zaetawi
من المملكة العربية السعودية

بسم الله الرحمن الرحيم
السلام عليكم ورحمة الله وبركاته0000

اللــــــــه عليك يا بنتي يا اســراء

لو كان في كل عائلة 5 يفكرون مثل تفكيرك ويعلموا الباقين كان انتهت كل المشاكل ما بين الحماة وكنتها

فبالتفاهم والحب والصراحة والمسامحة بتكون الامور سهلة وبسيطة
وربنا ما يجيب زعل بين كل الحريم

وتقبلي تحياتي

ع ==ابوجاسم==

اضيف في 17 مايو, 2008 07:17 م , من قبل samourai4ever
من مصر

الموقع السادس فى الكومنت مش وحش بالنسبه انه وقت امتحانات
كلامك جميل و فيه امل كبير
بس فى حموات كل متعملى معاهم كدة و تعامليهم حلو حتركبك و تقول البت ضعيفه و ممكن متعرفش تعمل معاكى حاجه وتقول برضه اصل البت دى بردة و بتاعملنى ببرود كل ما اشتمها متردش او تطنش او ترد باسلوب حلو
هى لو حما كويسه يبقى مش حتعلق على تصرفاتك اوى و تكون زى مقولتى بتنصحك وتعلمك و رزم نحسسها دايما انه هى اللى تعرف اكتر
بس لوحما حما بقه
يبقى تاخد فوق دماغها لانها بتكون عايشه دور الطفله المتسلطه و اللى فاكرة على انها هى اللى صح و دى مينفعش معاها الحياه
لان الحياه اخد و عطا
و دى بتبقى عايزة تاخد بس
و لماتدى تدبح عجل

الموضوع طويل و واسع جدا
و مش يكفى فيع تعليق واحد
بس اسلوبك تحفه مشاء الله
فاضيه انتى ياختى

بحقد عليكى

و دمتـــــــــــــــــــــم

اضيف في 17 مايو, 2008 07:17 م , من قبل samourai4ever
من مصر

اضيف في 17 مايو, 2008 09:53 م , من قبل habayeb2gether
من مصر

هههههههههه
يا ساتر على النق اللى جايبنا لورا

يا بنتى ايه الفيلم الهندى ده
تركبك ولا متركبكيش
اعتبرى ان دى مامتك بس رخمة شوية
عاااااااادى
كله بثوابه
وبعدين انتى وابنها هتبقوا روح واحدة وجسد واحد يعنى اكيد هو عارف ان مامته متسلطة شوية او فيها عيوب لازم تستحمليها زى ماهو مستحملها
وهتزيدى فى نظره وهتكسبيها
وبعدين اقولك على حاجة صحيح فى ستات متتعاشرش أصلا بس دى اكيد هتعرفيها فى فترة الخطوبة يبقى تبعدى عن الشر وتغنيله او بلاش الاختلاط هى فى حالها وانتى فى حالك لو كنتى ميتة يعنى على ابنها بس الساعات اللى بتشوفيها فيها لازم تمر بسلام بينكم ومتركبيش نفسك الغلط

وبعدين يا بنتى احنا الحمد لله بنات حلال وان شاء الله ربنا هيوقفلنا ولاد الحلال ان شاء الله

اضيف في 17 مايو, 2008 10:54 م , من قبل Walad Masry
من المملكة العربية السعودية

أولا انا شايف ان الزوج عليه عامل كبير جدا في التوفيق ما بين الأم والزوجة لأن سهل جدا أن الواحد يرضي زوجته بحبه ليها اللي في نفس الوقت لا يؤثر على رضا أمه عليه لكن المشكلة إن فيه رجاله هبل كتير بتلقيهم مايعرفوش يوازنوا الأمور ويأما يجوا على الزوجة أو يجوا على الأم وفي كلتا الحالتين الدنيا بتولع

ثانيا وده الأهم إن أي علاقة أولا وأخيرا لازم تكون مبنية على تقوى الله لأنها هتوفر مشاكل كتيرة جدا لأن كل واحد سواء كان زوج أو زوجة أو أم أو إبن أو إبنه مجرد التفكير في الخوف من ربنا هيخليه يعمل الخير ويتعامل مع الآخر من هذا المنطلق وده هيكون سبب في حب الآخر له وبالتالي الدنيا أكيد هتبقى جنة للجميع

اضيف في 17 مايو, 2008 11:26 م , من قبل sahyd55555
من سوريا

كانت الحماية قوية او محترمة

في قديم الزمان

وكان ابنها يقبل اقدامها

حبا لها و ليس زل

لكن الان صارت مثل ما قلتي واكثر

والسبب هو

جرئة الشباب والبنات

بمعنى كلمة جرئة ... لكن بغير مكانها

وهذا يتيح للفتاة

ان تسيطر على الشاب

وتفعل ماتريد باأمه

ـــــ

طبعاً هاد راي انا

وحتى كل العذر من الشاب

وشكرا لك اميرة مصر

على الحماية الجميلة في هذا العصر

لان لك قلب صيب

في طرح الامر

المرسل

سعيد

بائع

الحلوى

للطيبين

اضيف في 18 مايو, 2008 07:30 ص , من قبل alshrawy
من مصر

حفيدتى الحبيبه
حبيبه
×××والله الموضوع جميل وشيق
وانا يسعدنى حقيقى ان اسجل هنا
ان حماتى كانت رحمها الله اكتر من ام لى
وكنت ومازلت اردد هذا الى ان يتوفانى الله فهى كلمة حق تسحقها
وانت الحقيقة حبيبة جدو الله ينور عليكى
وياريت الكل يتعامل مع الحمى على انها ام وهى كذلك ليتها تتعامل كام
سعدت بالتواجد فى رحاب حبيبة جدو
اوعى اشوفك عندى ولو جيتى تنورى
الفقير لله
ع العجوز

اضيف في 19 مايو, 2008 11:21 م , من قبل souadsaleh

فضحه ضروري
على مدونتي
عميل يهودي بجيران

http://souadsaleh.jeeran.com/archive/2008/5/572889.html

إنه يمنع التعليقات
فانسخوها بعد أن تكتبوها

اضيف في 20 مايو, 2008 02:42 ص , من قبل sahyd55555
من سوريا

اميرة مصر الرائعة

ومدونتها البائعة

للحب والوفاء بهم شاسعة

وثمنها بسيط لأنها بالايمان شائعة

والتعديلات الجميلة و الواسعة

مبروكة من الله على مابها من حب وسعا

ـــــــــ

وبتمنى ان تعلميني يا اميرتي

ولكن جهزي المسطرة

لاني مشاغب قليلا

مشان ما عزبك وانتي تعلميني

ولا تقولي لحدا اني مشاغب

وخلص انا بوعدك

انو مش رح عزبك

ورح كون طفل مهذب

خلص وعد ..... هوس اوكي هوس

المرسل

مشاغب ؟؟ عفواً أخطأت ؟؟

قصدي

سعيد

بائع

الحلوى

للطيبين

اضيف في 21 مايو, 2008 09:44 م , من قبل hegazyacademy
من مصر

اولا موضوعك بجد جميل وانتى كمتن حطه فيه حتة الكاريكاتير دى اجمل ومدونتك جميله جدا وحطه فيها حاجات جامده بجد وشكرا جدا كمان ع تعليقك الجميل ده كمان فى مدونتى شكرا ليكى بجد باى

اضيف في 22 مايو, 2008 10:13 م , من قبل leedoeng2010
من مصر

أولا وفى البداية أشكر لكى مرورك العطر بمدونتى البسيطة ووضع بصمة بها .
ثانيا أود دعوتك وبجد لزيارة قريتى الصغيرة المتواضعة .
ثالثا : اود أن أهنئك على هذا الموضوع الرائع الثلث الذى وصفتى فيه الطيبة وحسن المعاملة وعدم النفاق وأظهرت فى مقالك البسيط هذا الطيبة الجميلة وحسن الأخلاق فى كلماتك .
هذا ليس تعليقى ولكن هذا مجرد إعجاب بشخصك وبموضوعك واسمحى لى بالتعليق مرة اخرى .
تقبلى وافر تحياتى .
م/ وليد شعلان

اضيف في 22 مايو, 2008 10:39 م , من قبل leedoeng2010
من مصر

صديقتى / اسراء أو حبيبة

تعرضك لهذا الموضوع وبهذه الصورة الرائعة يجعل من الصعاب سهولة , نعم أصعب شئ يؤرق المرء منا هى الحماة ,نعم الحماة هى الشغل الشاغل لكل واحد منا وبالذات البنات ,فأول شئ فى اختيار العريس امه عاملة ايه جامدة والا كويسة , وما أكثر الموضوعات اللى اتفشكات بسبب ام العريس , ولكن كما قلت العيب فينا مش فيهم , كثرة الحذر الزيادة عن اللزوم والخوف ولد فى نفسنا عقدة من هذا الموضوع مع انه سهل ويسير زى ماانتى قلتى فى كلامك الجميل .

وجهة نظرك وحلولك اللى قدمتيها تمام جدا , عاملى حماتك على انها امك , اقبلى منها كل شئ , ولا تتصنعى معها فى المعاملة حتى لا تكتسبى عداوتها.

لا تعامليها كويس علشان خاطر ابنها وبس , عامليها كويس علشان خاطر ربنا , علشان خاطر هية زى أمك واكتر,

على العموم انا لو كتبت هاطول جدا .
وفى النهاية اشكرك على هذا الموضوع الرائع الخفيف اللذيذ جدا.

تقبلى وافر تحياتى .
م / وليد شعلان

اضيف في 23 مايو, 2008 01:44 ص , من قبل angelsam2020
من مصر

اولا باحب اقول هاي اسراء (او حبيبه)

انا بجد سعدت بمرورك على مدونتي المتواضعه اللي لسه صغيره - مسيرها تكبر - واسعدني اكتر اني لقيت مدونات مصريه بتقول احنا جيل بيفهم ..

معاليش المقدمه طويله
موضوع الحماوات ده انا كمان محتار فيه بس من يوم ماطلعنا على وش الدنيا واحنا بنسمع ونشوف كلام وافلام كلها بتجيب وتحط في الحماوات -مع انهم امي وامك وامه وامها - انا لسه ماجربتش يكونلي حما بس انا لاحظت ان امي بتغير على اختي من جوزها شوية وبتغير اكتر من امه لان اختي من يوم ماتجوزت امي مابقتش بتشوفها قد حماتها , واكيد شيء طبيعي انها تغير عليها لاني باغير حتى على صاحبي لما الاقيه صاحب حد غيري وبقى يمشي معاه اكتر مني , لكن ده لا يعني اني احول حياته لمشاكل في مشاكل .. انما ده بيحصل احيانا عند بعضهن وبعضهم وربنا يكرمنا كده ببنوته تكون بنت حلال واهلها ناس طيبين...

وشكرا

اضيف في 25 مايو, 2008 03:55 ص , من قبل souadsaleh

حبيبتي إسراء
السلام عليكم و رحمة الله

مقالك يشفي غليل الحماوات بالتأكيد
و ما شاء الله تبارك الله عليك

الرجل يبقى سيد الموقف إن فعلاً كانت الزوجة غير قادرة على استيعاب وجود حماتها معها ....
و لكنني أرى العاقلات من الزوجات سيفكرن على الأقل أن هذا الغصن المحبب لديهن هو من تلك الشجرة ... لذا فحبها من حبه

موضوع في غاية الأهمية جزاك الله عنه ألف خير

أختك سعاد

اضيف في 29 مايو, 2008 07:15 ص , من قبل basemsleman
من سوريا

أعتقد أنه دائماً لولا الواقع لما تكلم الناس فالخلاف بين الحموات و الزوجات موجود لكن المهم أن يكون هناك طرف عاقل حتى يوازن الأمور و إلا ستكةن حياة الزوج جحيماً حقيقياً
دمت بخير
المخلص باسم

اضيف في 04 يونيو, 2008 12:00 ص , من قبل babykids
من مصر

ايه يا حجة قلبك حن ولا ايه انتي عمالة تمدحي في الحموات والله انتي علي نياتك بعض الزوجات لا يحاولون ان يصلوا الي السعادة مع ام اجوازهم بقولك ايه انتي اكبر مني وتعرفي اكتر منني انا مش معترضة

اضيف في 04 يونيو, 2008 01:14 م , من قبل habayeb2gether
من مصر

ايه الرأى الجامد ده
والله يا بنتى لو مكنتيش اختى ماكنت صدقت انك عندك 10 سنين
بس معتقدش ان مفيش حد بيدور ع السعادة السعادة مطلب كل الناس بس فى ناس يأست انها تلاقيها

اضيف في 05 يونيو, 2008 03:16 م , من قبل babykids
من مصر

متشكرين يا انسة علي المجاملة دي تصحيح:انا عندي 11سنة وكنت بعمل شوية برستيج وانتي بقة حبيتي تحرجيني وبعدين انا متاكدة ان اللي عايوز حاجة وهدفو يحققها والله عمره ما هيياس انتي بس اللي منفسنة شوية خليكي فريش احنا في مدونة

أضف تعليقا

<<الصفحة الرئيسية